Көп уақыттан кейін үлкен жетістіктерге жетіп, беделді болған кезде бұрынғы қызымды кездестіргім келеді. Білмеймін неге екенін... Мүмкін өзімнің өскенімді көрсету үшін шығар, мүмкін кімнен айырылып қалғанын көрсету үшін шығар. Оны тағы да бір көріп үнсіз ғана көзбен қоштасқым келеді. Оны ұмытқанымды, оған деген ешқандай ашу-ыза қалмағанын, тек сыйластық пен жылы естеліктер қалғанын көрсеткім келеді. Сол кезде ғана оны жіберетін сияқтымын. Оның басқа біреумен кеткенін көрген кезде ғана одан үмітімді үзетін сияқтымын.
Өзімді басқа адамдармен салыстырсам мен оларға қарағанда алға ұмтылуым баяу көрінеді. Менің жасымдағылардың көбінің не пәтері, не автокөлігі, не екеуі де бар. Ал мен енді ғана жұмыс істеп жатырмын осы бағытта. Қыздардың маған қызықпайтыны да осыдан шығар, көрініп тұр ғой ешкімнің проблемасын шеше алмайтыным. Өзімнің проблемамды шеше алмасам, басқалар үшін жауапкершілік алуым мүмкін емес қой.
Кішкене пысық болу керек. Тәуекелге барып, танымайтын адамдармен бірігіп жұмыс істеп, команда құрып алға қойған мақсатыма жете алатындай болуым керек.